剛剛收到城市電腦售票網消息
9場的舞台劇已經一票不剩全部售罄！
前輩說近千人的葵青劇院爆滿是很難得的
當日得到這個機會時，其實並未有料到係咁大責任
講緊係由頭到尾，每一場出現
講緊係除咗做戲，仲要係做過度活躍症，口不停手不停，仲要跳舞、唱歌、打鼓、彈結他、填詞
自信如我都唔會覺得係一件易事
我知有人會覺得所謂藝人去做舞台劇，表現一定有限，甚至付出有限
我唔知自己有幾有限，但我起碼做到咗一件事：全力以赴
呢3個月以來，每星期排6日，每日排6至8個鐘
朋友約親我我都係答排戲，琴日排戲，今日排戲，聽日排戲
三個月，一日假都冇攞過，除咗因為我冇乜嘢撈，就係因為我要對得住自己
我唔要觀眾遷就我，而係要令觀眾滿意、滿足
第一次主演舞台劇，有九千人陪我見證
很感動，多謝你哋，陪著我走
Search